Unnið er hörðum höndum að uppfærslu heimasíðu félagsins og mun hún líta dagsins ljós eigi síðar en strax á nýju ári. Hugmyndin á bakvið síðuna er að nýta hana betur sem markaðstól fyrir markþjálfun og markþjálfa og gera hana almennt aðlaðandi fyrir almenning. Því viljum við endilega birta greinar sem gagnast fólki og gefa einnig innsýn í hvað marþjálfun er og hvað hún hefur uppá að bjóða. Til þess að opna síðuna fulla af góðu og innihaldsríku efni var ákveðið að leita til ykkar með greinar til birtingar á síðunni.

Greinaskrifin eru fyrst og fremst hugsuð sem efni til almennings um markþjálfun og marþjálfunartengdir punktar og hugmyndir. Allt sem gefur fólki innsýn í hvað markþjálfun er og hvað það er að vinna með markþjálfa munu eiga vel við. Allar tegundir markþjálfunar eru viðeigandi. Greinarnar geta innihaldið hvatningu, innblástur, hugmyndir, skref, ferli eða áskoranir. Greinarnar geta höfðað til sérstakra hópa t.d. foreldra um uppeldi, fólk á tímamótum, starfsmannamálefni, stjórnendur, hópar, sambönd og samskipti, heilsutengd málefni, fjármál, almenn lífsþjálfun eða hvaða sérhæfingu sem þið hafið þekkingu og áhuga á. Greinin verður að hafa áhugaverðan titil, t.d. „Hópmarkþjálfun í fyrirtækjum“, “Tíu leiðir að betri árangri” og þessháttar. Nýjar greinar jafnt sem greinar sem þið eigið til eru velkomnar. Með greinarskrifum getið þið komið ykkur á framfæri á heimasíðu félagsins og fáið til baka frá félaginu meira heldur en nafn ykkar skráð á síðuna.

Greinarnar þurfa að berast fyrir föstudaginn 9.desember á netfangið: Þetta tölvupóstfang er varið gegn ruslpósts þjörkum, Þú verður að hafa JavaScript virkt til að sjá það.

Einnig er stefnt að því að birta ljósmyndir og helstu upplýsingar af þeim markþjálfum sem eru í félaginu og megið þið þvi einnig senda inn ljósmynd af ykkur ásamt 1-2 setningum eða svo um ykkur , t.d. menntun og reynslu. Greinarnar verða svo tengdar við þann markþjálfa sem skrifar greinina.

Hafa ber í huga að styttri greinar eru betri en of langar þannig að hafið einfaldleikann í huga. Má hver markþjálfi hafa allt að tíu greinar inni á gagnagrunni síðunnar í einu.

Bjartar kveðjur,

María Lovísa og Anna María